Црвена Звезда својот натпревар против Трепча од Косовска Митровица, во рамките од 1/16 финалето во фудбалскиот Куп на Србија ќе го игра на Косово.

Оваа информација ја пренесува порталот „Косово Онлајн“, повикувајќи се на писмото кое го испратил генералниот секретар на ФИФА, Матијас Графстрем.

Тој писмено уште на 20 септември го информирал претседателот на Фудбалската федерација на Косово, Агим Адеми дека мечот помеѓу Трепча и Црвена Звезда може да биде одигран на Косовска Митровица.

Во писмото кое во име на ФИФА го потпиша заменикот на генералниот секретар Матијас Графстрем таа организација се повикува на одлуката на Арбитражниот суд за спорт (ЦАС) од 24 јануари 2017 година.

– Конкретно, споменатата одлука под точка 107 наведува дека: „Фактот дека одредени одредени клубови на северот на Косово во моментот играат под покровителство на Фудбалската федерација на Србија, не ја руши општата ораганизациска власт на ФФК на територијата на Косово, што е и потврдено со пријавата за нејзино членство. Земајќи ги во предвид горенаведените постапки и во интерес на фудбалот, сакавме да ја охрабриме Фудбалската федерација на Косово да ги повлече барањата доставени до косовските безбедносни институции, со што натпреварот помеѓу ФК Трепча и ФК Црвена Звезда ќе може да биде одигран на 5 октомври – се наведува во писмото на ФИФА до кое дојде „Косово Онлајн“.