ФИФА нема милост за расизмот, Унгарците ќе играат пред празни трибини
ФИФА ја казни фудбалската федерација на Унгарија поради инцидентите кои се случија на „Ференц Пушкаш“ Арената во Будимпешта против селекцијата на Англија во рамки на квалификациите за пласман на СП 2022 година.
Унгарските навивачи на натпреварот кој се играше на 2. септември на расна основа ги навредуваа англиските фудбалери, а ФИФА денеска ја одреди казната за таквиот испад, парична казна од 180.000 евра и два Унгарија два натпревари ќе игра пред празни трибините.
Светската фудбалска федерација покрена истрага откако Рахим Стерлинг и Џуд Белингем изјавија дека кон нив биле упатени мајмунски извици. Натпреварот се играше пред полн стадионот, 60.000 унгарски навивачи беа присутни на „Ференц Пушкаш“ Арената бидејќи унгарската влада ги укина речиси сите ограничувања поврзани со пандемијата на коронавирусот.
Фудбалската федерација на Англија веднаш по натпреварот вложи жалба до ФИФА и бараше тврдењата на Стерлинг и Белингем да се испитаат. Исто така ФА истакна дека не е задоволна од однесувањето на унгарските навивачи додека англиските фудбалери клечеа во знак на поддршка на борбата против расизмот.