ФИФА донесе одлука за договорите на играчите и исплатите на трансферите
Светската фудбалска федерација донесе одлука според која е одлучено да се продолжат актуелните договори на фудбалерите до крајот на сезоната.
ФИФА во интерен документ на кој работеше посебна работна група задолжена за коронавирусот, донесе одлука според која важечките договори на играчите и тренерите треба да се продолжат се до завршување на натпреварувањата кои во моментов се прекинати.
Во истиот документ има предлог да се променат термините за преодните рокови кои би требало да се усогласат со датите на стартот на новата сезона, а од клубовите и фудбалерите се бара заеднички да работат на пронаоѓање решение за платите за време на паузата.
„Во случај да дојде до преклопување на две сезони и/или регустрација на фудбалери, приоритет му се дава на поранешниот клуб кој би требало да ја завршии сезоната со оригиналниот тим за да се зачува интегритетот на домашните првенства. Тоа правило нема да вреди доколку сите заинтересирани страни се согласат за поинакво решение.
Исплатите на трансферите помеѓу клубовите треба да бидат одложени се до почетокот на новата сезона“, стои во документот на ФИФА во кој исто така се препорачува користење на новоформираниот „Фонд за професионални фудбалери“, за да им се помогне на екипите кои имаат финансиски проблеми.