Возачот на „Ред Бул“, Макс Ферстапен е победник на трката за Големата награда на Италија, која денеска се одржа во шампионатот на Формула 1 на патеката Монца.

Холанѓанецот стигна до 31 победа во кариерата, а до 11 триумф сезонава иако стартуваше од седмата позиција.

Ова е четврта последователна победа на актуелниот светски шампион во Ф1.

Второто место му припадна на возачот на „Ферари“, Шарл Леклер од Монако, кој заостана речиси три секунди зад победникот, додека трет беше британскиот возач на „Мерцедес“, Џорџ Расел.

Следната трка во Ф1 шампионатот ќе се вози на 2 октомври 2022 година за Големата награда на Сингапур.

На табелата кај возачите води Ферстапен со 335 бодови, пред Леклер кој има 219, а кај конструкторите водечки е „Ред Бул“ со 545 бодови, пред второпласираниот „Ферари“ (406).