Ерменскиот претседател Армен Саркисјан ја обвини Турција дека е на страна на Азербејџан и директно учествува во етничкото чистење на Ерменците во конфликтот во Нагорно-Карабах.

– Конфликтот што избувна на 27 септември нема локален карактер, како што беше во минатото. Ова е сега вистинска војна за која Азербејџан и Турција се подготвуваа долго време. Покрај тоа, Азербејџан и Нагорно-Карабах имаат различни ставови околу природата на овој конфликт, изјави Саркасјан за агенцијата „Арменпрес”.

– Баку тврди дека ги ослободува своите територии и ги прашувам од кого ги ослободуваат? – Ако ги ослободуваат од Ерменците, за тоа има сосема друго име. Ова не е за територијалeн интегритет, туку за етничко чистење. Тие ја сакаат таа територија, но без Ерменци. Тоа е етничко чистење”, додаде Саркисјан.

Ерменскиот претседател истакна дека единствена можност за почеток на преговори е повлекувањето на Турција од конфликтот, поточно Анкара да се откаже од империјалистичките аспирации.