Ердоган: Турција ќе ја зголеми воената поддршка на Либија
Ако е потребно, Турција ќе ја зголеми својата воена поддршка на меѓународно признатата влада на Либија, а ќе ги процени своите копнени, воздушни и поморски опции, изјави денеска турскиот претседател Реџеп Тајип Ердоган, откако двете страни минатиот месец потпишаа договор за воена соработка.
Турција ја подржува Владата во Либија и веќе пратила воени залихи и покрај ембаргото на оружје од Обединетите нации, се наведува во извештајот на експертите на ОН од минатиот месец, пренесува Ројтерс.
Турција исто така соопштила дека би можела да ги распореди силите во Либија, ако либиската влада побара. Тамошната влада со месеци се бори против офанзивните сили на Калифа Хафтар во истокот на земјата. Силите на Хафтар добија поддршка од Русија, Египет, Јордан и Обединетите Арапски Емирати.