Елмас ќе добие нов газда, Де Лаурентис го продава Наполи?!
Последните случувања во Наполи и „војната“ на релација Аурелио Де Лаурентис – фудбалери, го исцрпија претседателот на клубот кој е подготвен дури и да дигне раце од него.
Според англискиот весник „Дејли меил“, Де Лаурентис одлучил да го продаде Наполи, по што веќе пристигнала првата понуда, и тоа од Катар. Според весникот станува збор за кралското семејство Ал Тани, кои се сопственици и на францускиот шампион ПСЖ.
Понудата која неименуван член на семејството Ал Тани, ја упатил до Де Лаурентис изнесува 560 милиони евра. Оваа информација ја пренесоа и италијанските медиуми кои одат и чекор понатаму и тврдат дека Де Лаурентис дефинитивно ќе го продаде Наполи, а се очекува првичните преговори да стартуваат по репрезентативната пауза.
Семејството Ал Тани се сопственици на ПСЖ, а во минатото и на шпанската Малага, но нивна желба е да влезат во Серија А. Тие изминатото лето се обидоа да ја купат Рома, но нивниот обид беше неуспешен.
Аурелио де Лаурентис е сопственик и на уште еден италијански клуб, третолигашот Бари. разговори се очекува да почнат најдоцна до крајот на овој месец.
