ЕХФ: Вардар 1961 директно во групите на Лигата на шампионите
Денеска Европската ракометна федерација ги објави екипите кои директно обезбедуваат место во групите на Лигата на шампионите во сезоната 2021/2022 и клубовите кои се пријавија за „вајлд-кард“.
Според ЕХФ ранкингот Вардар 1961 директно е сместен во групната фаза, како и уште девет екипи: ППД Загреб, Алборг, Барселона (актуелен европски шампион), ПСЖ, Кил, Флензбург, Пик Сегед, Кјелце и Порто.
Останатите шест места ќе се пополнат со уште шест екипи од вкупно 12 кои се пријавија за „вајлд-кард“, тие се: Мешков Брест, ГОГ, Монпеље, Веспрем, Елверум, Висла Плоцк, Спортинг, Динамо Букурешт, Горење Велење, Кадетен Шафхаузен, Савехоф и Мотор.
Конечниот список од 16 клубови ќе биде објавен на 28 јуни, а жрепката за групната фаза во ЛШ ќе се одржи на 2 јули во Виена, Австрија. Ќе бидат формирани две групи од по осум екипи.
Како што е веќе познато, Вардар 1961 има старо-нов тренер Веселин Вујовиќ кој најави дека во јули ќе ги почне подготовките за новата натпреварувачка сезона.
Вујовиќ: Македонија е моја втора татковина, Вардар ми е во срцето