Егоров освои бронзен медал на ЕП во борење – Слободен печат
ОстанатoСпорт

Егоров освои бронзен медал на ЕП во борење

Владимир Егоров по пауза од 12 години и донесе медал на Македонија на Европските првенства.

Владимир Егоров освои бронзен медал на Европското првенство кое се одржува во Букурешт, Романија. Тој во категоријата до 57 килограми во борбата за третото место го совлада домашниот борач Андреј Дуков со 7:5 на поени.

Ова е прв медал за Македонија од големите натпреварувања во борење по пауза од 12 години, кога во 2007 година кога исто така со бронзен медал се закити Мурат Рамазанов.

За разлика од Егоров, во категоријата до 92 килограми, Мoгамедгаџи Нуров не успеа да го повтори успехот на Егоров и ја загуби борбата за третото место. Подобар од Нуров беше Гаџиев од Азербејџан кој победи со 5:0 на поени.

Нова шанса Македонија повторно да се впише во листата на освојувачи на медали ќе има утре кога Елемедин Сејфулаху во категоријата до 61 килограм, за бронзеиот медал ќе се бори против Андријан Вок од Швајцарија. Сејфулаху во четвртфиналето загуби со технички туш од Грузиецот Ломтадзе кој пак со пласманот во финалето му овозможи на македонскиот борач утре да се бори за бронзата.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close