Џуд Белингем на чекор од трансфер во Реал Мадрид?!
Талентираниот англиски играч од средниот ред Џуд Белингем кој ги брани боите на Борусија Дортмунд е многу блиску да го облече дресот на „кралскиот клуб“, пренесува познатиот италијански новинар Фабрицио Романо.
Личните услови помеѓу играчот и Реал Мадрид се веќе договорени, а двата клуба допрва треба да се договорат за надоместот, со оглед на тоа што важечкиот договор со „милионерите“ истекува 30 јуни 2025 година, а според „Трансфермаркт“ вреди 120 милиони евра.
Она што е сигурно е дека на сметката на Борусија Дортмунд се очекува да се уплати сума поголема од 100 милиони евра.
Голема улога во договорот со германскиот тим ќе има Хуни Калафат, шпанско-бразилски скаут, кој веќе му помогна на Реал да ги ангажира Винисиус, Родриго, Валверде, а неодамна и Ендрик.
Белингем има само 19 години, но веќе има 130 настапи за Дортмунд и постигна 21 гол. Претходно стана најмладиот дебитант во историјата на Бирмингем, а за репрезентацијата на Англија одигра 24 натпревари и запиша еден гол минатата година на Светското првенство во Катар во победата над Иран (6:2).
🚨⚪️ Real Madrid are close to complete deal to sign Jude Bellingham, confirmed. Negotiations are progressing to the final stages.
Personal terms are almost agreed — Juni Calafat, crucial again.
New meeting has been scheduled to complete the agremeent with Borussia Dortmund. pic.twitter.com/EZO76bXiHk
— Fabrizio Romano (@FabrizioRomano) May 3, 2023