Џејми Карагер разочаран од Ливерпул: Би можел да го заземам местото на Ван Дајк
Џејми Карагер, поранешен играч на Ливерпул и аналитичар на „Скај Спортс“, имаше што да му каже на својот поранешен тим по убедливиот пораз од Реал Мадрид.
„Црвените“ примија пет гола во Лигата на шампионите за првпат на „Енфилд“, а Карагер го искористи тоа за да му се реваншира на Вирџил Ван Дајк за претходните коментари на Холанѓанецот.
– Вирџил ван Дијк пред неколку месеци рече дека не би можел да играм во бековската линија на Ливерпул. Во овој момент би можел да го заземам неговото место – рече Карагер по натпреварот Ливерпул – Реал Мадрид.
Карагер го опиша второто полувреме како „срамно“.
– Тоа беше вистинска неорганизираност, ужасно од Ливерпул. Срамно. Ние им наоѓавме изговори цела сезона, но беше навистина срамно во второто полувреме. Да го загубите тоа полувреме со 3:0. Ужасно – вели Карагер.
Реваншот меѓу Реал Мадрид и Ливерпул во ЛШ на стадионот „Сантјаго Бернабеу“ ќе се игра на 15 март.