Шведскиот атлетичар Арманд Дуплантис изјави дека неговиот сон се остварил со освојување златен медал на Олимписките игри, и дека не се кае премногу затоа што не го собори светскиот рекорд во скок со стап.

Toj стигна до златото во Токио благодарение на скокот од 6,02 метри. На пат кон олимпискиот престол, тој никогаш не ја сруши летвичката.

– Чувството е неописливо. Го сакав ова злато толку долго и конечно успеав. Го сакам овој спорт уште од детството и отсекогаш верував дека благодарение на него ќе стигнам до одлични места. Фактот дека сум на Олимписките игри, дека имам златен медал – само тоа покажува колку ми даде овој спорт – рече 21-годишниот Дуплантис.

Обезбедувајќи го златниот медал, Дуплантис се обиде да скокне 6,19 метри и да го надмине својот светски рекорд за еден сантиметар. Се чинеше дека успеа од првиот обид, но во пад ја закачи летвичката со градите и ја собори. Вториот пат трчаше лошо и се откажа среде скок. Третиот пат тој повторно ја собори летвичката, овој пат со коленото.

– Би било убаво да го соборам рекордот. Се чувствував близу. Но, јас имам олимписко злато, сега нема да седам тука и да се жалам – додаде Дуплантис.

Almost there for armand duplantis on first attempt for 6.19m pic.twitter.com/u03OkshkQm

— sf. | go go 🇲🇾 ! (@sweefangg) August 3, 2021