Пред нас е зимскиот преоден рок, но дефинитивно поголеми возбудувања на трансфер пазарот се очекуваат следното лето.

На многу играчи на крајот од сезоната им истекува договорот, па своите клубови би можеле да ги напуштат целосно бесплатно, доколку истиот не го продолжат или не си одат веќе во јануари.

Убедливо најскап на листата е членот на ПСЖ, Килијан Мбапе (160 милиони евра), кој се поврзува со трансфер во Реал Мадрид.

Со 70 милиони евра, следен на листата е Федерико Киеза од Јувентус, а го следат со по 55 милиони Франк Кесие (Милан) и Пол Погба (Манчестер јунајтед).

Вредноста на Усман Дембеле (Барселона), Антоан Гризман (Атлетико Мадрид) и Пауло Дибала (Јувентус) е проценета на 50 милиони евра.

Меѓу големите ѕвезди чиј договор исто така истекува се Лоренцо Инсиње (Наполи), Алваро Мората (Јувентус), Никлас Зуле (Баерн), Антонио Рудигер (Челси), Андреа Белоти (Торино)…