Драма во Минск: Вооружени лица влегле во канцелариите на „Убер“ и „Јандекс“, на вработените им забраниле да излезат
Вооружани и маскирани мажи извршиле претрес на канцелариите на „Убер“ и рускиот технолошки гигатн „Јандекс“ во Минск.
Мажите облечени во црно ги блокирале влезовите во канцелариите на „Убер“ и „Индекс“ во Минск, а некои вработени уште се заробени внатре, пренесува Москва тајмс.
Рускиот технолошки гигант „Јандекс“ соопшти денеска дека вооружените лица влегле во нивните канцеларии во Минск. Во соопштението се наведува дека компанијата пробува да добие дополнителни информации за инцидентот и дека вооружените лица им забраниле на вработените да ја напуштат зградата.
– Јандекс и Убер делат едно претставништво во Минск, така што претресот се врши во двете компании, рекол портпаролот на „Јандекс“ за Би-Би-Си.
Armed and masked men raided the Belarus offices of Uber and Russian tech giant Yandex as authorities continued to crack down on protesters disputing the country's presidential election results https://t.co/1ApAJLjR2z
— The Moscow Times (@MoscowTimes) August 13, 2020
Неименуван извор близок до „Јандекс“ ги идентификуваше вооружените лица како припадници на белоруските безбедносни сили, пренесува Форбс.
Белоруската служба за спроведување на законите се уште не ги потврди, ниту ги демантираше гласините дека нивните полицајци се вмешани во рацијата.
Според извори од компанијата, во канцеларијата имало само неколку луѓе, бидејќи повеќето работеле од дома. Изворот исто така рекол дека вооружените лица не ја известиле фирмата за нивните барања.
