ДРАМА ВО ГЕРМАНИЈА: Босанец пукал во специјалци, застрелал полицаец
Државјанин на БиХ во Германија, Веско Б. (51) пукал по припадници на специјалната полиција и во таа прилика еден од нив ранил во пределот на градниот кош.
Како што пренесе Радио Сараево повикувајќи се на германските медиуми, вистинска драма се одвивала во среда наутро во германскиот град Гладбек, кога специјалната единица на полицијата била повикана да интервенира во станот на Веско Б., државјанин на БиХ. Кога, како што се наведува, полицајците влегле во станот, Веско земал пиштол, пукал и застрелал еден „специјалец“ во пределот на градниот кош. Заштитниот елек го спасил животот на полицаецот.
SEK-Mann in #Gladbeck angeschossen: Schütze in U-Haft https://t.co/CzuXy9ysIR pic.twitter.com/oS6OKgrpae
— TAG24 NEWS Köln (@TAG24Koeln) December 5, 2019
„Колегата е лесно повреден. Примен е во болница“, рекла портпаролката на полицијата, Рамона Хурст.
Полицијата без употреба на огнено оружје успеала да го совлада и да му стави лисици на рацете.
„Уапсениот е веќе пријавуван поради вооружени закани, што беше и причина да испратиме специјална единица“, рекла Хурст.
Обвинетиот сега го очекува пријава за обид за убиство.