Драма во авионот на Гамбија: Фудбалерите останувале без кислород, пилотот го вратил авионот
Вистинска драма се случувала во авион над небото на Гамбија кога фудбалските репрезентативци на оваа земја се упатиле за Брегот на Слоновата Коска на Африканскиот Кп на Нации.
Набрзо откако чартер летот полетал од Бањул фудбалерите почнале да се онесвестуваат и да губат воздух. Пилотот поради тоа бил принуден да го врати авионот на пистата, пишуваат медиумите.
На социјалните мрежи се огласи и Фудбалскиот сојуз на Гамбија.
„Со жалење известуваме дека чартер летотот со кој требаше да отпатуваме на Африканскиот Куп на Нации се врати поради технички проблеми. Летот траеше девет минути кога пилотите разбраа што се случува и побараа враќање во Бањул. Првичните истраги покажаа дека дошло до губење на кислородот во авионот“, соопштија од Фудбалскиот сојуз на Гамбија.
Најверојатно авионот има повеќе патници од дозволеното, па поради тоа бил почувствуван недостаток на кислород.