Жителите на холандското село Мерсен останаа во шок по паѓањето на вжештени делови од авион кои оштетија неколку домови, автомобили, меѓутоа повредија и една жена и дете.

Металните парчиња му припаѓале на товарен авион од типот Боинг 747-400 кој вчера попладне полетал од Мастрихт за Њујорк, објави холандскиот портал „Дачњуз“.

Inwoners Meerssen geschrokken van vallende vliegtuigonderdelen, vrouw en kind gewond: https://t.co/cqiCS06h95

— NU.nl (@NUnl) February 20, 2021

Очевидци раскажуваат дека слушнале силни удари и голем пламен од еден од левите моторти на леталото. Авионот итно слетал во белгискиот град Лиеж.

Аеродромската полиција и холандскиот одбор за безбедност отворија истрага за утврдување на причините за инцидентот.

Сличен инцидент се случи вчера во САД во кој се запали мотор на Боинг 777 на авио-компанијата „Јунајтед Ерлајнс“, а делови од леталото паднаа врз предградие на Денвер.