Денеска во 34 коло од најсилното германско кошаркарско првенство екипата на Баерн на домашен терен со 77:67 го совлада Олденбург.

Македонскиот репрезентативец Ненад Димитријевиќ за скоро 26 минути игра на паркетот придонесе во победата со 15 поени, шест скокови и девет асистенции.

Поефикасен од нашиот плејмејкер во неговиот тим беше само Габриел со 16 поени (девет скокови).

На спротивната страна прв стрелец беше Клемонс со 20 поени, а Такер реализираше 13.

Баерн како првопласиран со 58 бодови во регуларниот дел од шампионатот оди во четвртфиналниот плејоф.