Димитријевиќ болен, мечот на УНИКС Казан во ВТБ лигата одложен
Македонскиот интернационалец со уште двајца соиграчи се разболе, па лигата го одложи мечот на неговиот УНИКС Казан со Локомотив
Актуелниот шампион на руската ВТБ лига, македонскиот интернационалец Ненад Димитријевиќ, заедно со двајца соиграчи од УНИКС Казан е болен и затоа мечот од второто коло на првенството, против Нижни Новгород, што беше закажан за денеска, е одложен.
– Прво еден од тренерите се разболе. Тоа е Ѓорѓе Варагиќ. Понатаму излезе дека и Маркос Најт, Ненад Димитријевиќ и Дмитри Кулагин се разболеа… Потоа, Комолов и Лазарев ни се повредени. Лигата излезе во пресрет и го одложи мечот. Штета. Во подем сме… – изјави меѓу другото Евгениј Богачев, претседателот на УНИКС.
Во текстот на рускиот веб-сајт „Чемпионат“ не се објаснува за каква болест станува збор.
Минатата сезона Димитријевиќ беше МВП на лигата, а УНИКС ја освои титулата. Сезонава тимот од Казан одлично стартува, со победа над Локомотов Кубан 91-73 во првото коло, а Димитријевиќ беше најдобар на теренот со 22 поени и 7 асистенции.