Диетата се држи 7- до 14 дена, а со неа ќе загубите 5 до 7 килограми. Предноста на оваа диета е и во тоа што е добар елиминатор на целулитот и масните наслаги околу стомакот.

Дозволени намирници кои треба да преовладуваат во дневното диетно мени се – пилешко месо, пилешки колбаси, чиста пилешка салама, месо од мисирка, пилешки џигерчиња, интегрален леб (по 1 тост дневно за појадок), зелена салата, јајца, кромид, краставица, брокули, домат, диетен маргарин (1 кафена лажичка) и нискокалорично овошје.

Големата доза на протеини во оваа диета е гаранција дека нема да почувствувате глад.

Еве како треба да изгледа дневното мени.

Појадок – 1 парче интегрален леб намачкано со половина лажичка диетален маргарин.  2 варени јајца. 50 грама пилешки колбаси/виршли. 1 чаша сок од цеден портокал или лимон (без додаток на шеќер). 1 филџан кафе без шеќер.

Ужина – 1 јаболко, портокал или киви.

Ручек – Половина печено (на грил) пиле (остранете ја кожата). Чинија салата од краставици и домати (половина главица кромид или млад кромид, по желба).

Пилето може да го прелиете со малку маслиново масло, путер и сок од лимон.

Вечера – Порција пилешки џигерчиња со зелена салата со ротквици и кромид, или 1 парче интегрален леб со половина лажичка маргарин и пилешка салама, плус 1 варено јајце.

Доколку почувствувате глад во меѓуоброците земете 1 јаболко, киви или портокал, или чинија пилешка бистра супа.

Предложеното дневно мени содржи околу 1.000 калории.

Уште неколку предлози за ручек/вечера при држење на пилешката диета:

-Пилешко со варен зеленчук или зеленчук на грил. (компирот не е дозволен)

-Пилешко со тиквички

-Зелена салата со пилешко месо

-Пилешка супа (без тестенини)

-Пилешко со брокула и печурки