Вардарци обезбедија ново финале во СЕХА лигата откако во драматична завршница успеа да го победи хрватскиот ППД Загреб со 30:29 по подобро изведување на седмерци.

Вардарци се наоѓаа на работ на бездната бидејќи на 11. минути до крајот губеа со шест гола (17:23), но исто како и во сега легендарното полуфинале на фајналфорот во Келн од 2019 година кога против Барселона имаа негатива и од осум гола, на крајот најдоа сили да се вратат во игра и да победат.

– Веќе 100 пати кажувам дека имаме карактер. Не знам од каде, но добивме некоја сила во последните десет минути. Секогаш правиме вакви пресврти и со такви мисли влеговме и во завршницата на овој меч. Најважно е дека сме во финале и ќе го браниме трофејот во СЕХА – изјави крилото на Вардар, Тимур Дибиров.