Деркоски: Избирачкиот список никогаш нема да биде идеално чист
Деркоски упати апел – сите да ја преземат одговорноста и овој процес да помине во најдобар можен ред.
Делегација на Секретаријатот за европски прашања предводена од заменик – претседателот на Владата, задолжен за европски прашања, Бујар Османи, денеска се сретнса со делегација од Државната изборна комисија, предводена од нејзиниот претседател, Оливер Деркоски.
Директорот на ДИК, Оливер Дерковски, на денешната прес конференција даваше одговор на прашања за предвремените парламентарни избори на 12 април.
Деркоски упати апел – сите да ја преземат одговорноста и овој процес да помине во најдобар можен ред.
-Да се потрудиме никој да не каже дека изборите биле вакви или такви. Досега не сме имале случај на злупотреба на лични карти и се надевам дека нема ни за наредниот изборен процес. Што се однесува до избирачкиот список, тој е во ред, редовно се ажурира, но, никогаш нема да биде идеално чист. На него постојано се појавуваат нови лица. Во однос на примената на албанскиот јазик, се употребуваат не само тој, туку и други јазици. Треба да вработиме овластено лице-преведувач за да можеме да го имплементираме во системот тука- истакна Дерковски.
Вицепремиерот за европски прашања Бујар Османи денеска од седиштето на Државната изборна комисија упати порака до сите учесници на претстојните парламентарни избори за важноста од организирање на фер, демократски и слободни избори, имајќи предвид дека земјата треба да добие датум за почеток на преговори.
Средбата се одржа во просториите на Државната изборна комисија и е прва од серијата посети на вицепремиерот Османи на институциите задолжени за спроведување на изборите, со цел остварување на обврската за фер, слободни и компетитивни избори, како дел од европската агенда на државата.