Дејвид Швимер ја откри вистината за продолжението на „Пријатели“: Еве кога ќе се снима новата епизода! (ВИДЕО)
Бројни фанови на серијата „Пријатели“ никогаш не ја изгубија надежта дека нивните шест омилени ликови повторно ќе се соберат и ќе снимат продолжение на серијата.
Меѓутоа, ситуацијата со коронавирусот многу ги отежна работите, поради што многумина фанови останаа разочарани за одложувањето на продолжението.
По тој повод се огласи Дејвид Швимер, познат по улогата на Рос Гелер, па објасни за што точно се работи, пишуваат странските медиуми.
„Се надеваме дека продолжението ќе го снимиме во август. Поточно средината на август. Но, искрено ќе го направиме тоа кога се ќе биде сигурно поради моменталната ситуација. Секогаш постоеше недеж дека продолжението на шоуто ќе има жива публика, што целата работа ја прави уште покомплицирана моментално. Секако дека нема да ризикуваме нечие здравје поради работата на новите епизоди“, истакна тој, па додаде дека многу се радува што повторно ќе соработува и ќе се дружи со Лиса, Метју, Мет, Џенифер и Кортни.