Дебакл на Хјустон пред НБА плеј-офот! (ВИДЕО)
Кошаркарите на Хјустон рокетс убедливо се поразени од Филадефија сиксерс со резултат 134:96.
Кај рокетси не помогна ниту одличниот Џејмс Харден кој со 27 поени, 10 асистенции и три скока беше најефикасен на натпреварот. Ова е трет пораз по ред за играчите на Мајк Д`Антони пред плеј-офот и дуелот со Оклахома сити тандер.
Сиксерси на овој меч водеше од почетокот до крајот и така заслужено славеше и ја прекина лошата низа од три порази пред доигрувањето.
Прв стрелец во нивните редови беше Тобајас Херис, кој постигна 18 поени и имаше седум скокови. Го следеа Алек Буркс со 17 поени, односно Нето и Џоел Ембид со по 14. Филаделфија во плеј-офот ќе игра против Бостон селтикс.
НБА, резултати –
Торонто репторс-Денвер нагетс 117:109
Индијана пејсерс-Мајами хит 109:102
Лос Анџелес клиперс-Оклахома сити тандер 107:103
Хјустон рокетс-Филаделфија сиксерс 96:134
Познати се скоро сите парови во плеј-офот, останува да се види кој ќе биде ривалот на Лос Анџелес лејкерс, денеска по македонско време (20.30 часот) во директен дуел ќе се соочат Портланд трејл блејзерс и Мемфис гризлис.
Двојки, НБА плеј-оф
Источна конференција, 1 рунда
Милвоки-Орландо
Индијана-Мајами
Бостон-Филаделфија
Торонто-Бруклин
Западна конференција, 1 рунда
ЛА Лејкерс-Портланд/Мемфис
Хјустон-Оклахома
Денвер-Јута
ЛА Клиперс-Далас