ДАЛИ Е РАНЕТ МАЛЧАНСКИОТ БЕРБЕР: Се слушнало пукање во близина на Књажевац
Во некои српски медиуми се појавила информација дека на брдата зад Књажевац дошло до престрелка помеѓу полицијата и Нинослав Јовановиќ наречен Малчански бербер.
Оваа информација ја објавиле и Књажевачки вести, наведувајќи дека се слушнале четири пукотници, како и дека се претпоставува дека бегалецот е погоден од страна на снајперист од полицијата кои го лоцирале со помош на жителите и ловци.
Сепак како што пренесуваат медиумите, се случила пукотница, но станува збор за пукотница која не е поврзана со овој случај.
Потсетуваме дека дванаесетгодишната Моника Каримановиќ исчезнала на 20 декември во 7.28 минути, точно 8 минути откако излегла од својата семејна куќа и тргнала кон училиште.
Во потрага за Нинослав Јовановиќ, познат како „Малчански бербер“, кој е киднапер и силувач и дванаесетгодишната Моника, ова утро се вклучени уште 100 припадници на полицијата.
На терен во овој момент се повеќе од 300 припадници на полицијата.