Дачиќ: Секој што има соодветна политичка тежина треба да учествува во дијалогот за изборните услови
Претседателот на Собранието на Србија, Ивица Дачиќ, денес оцени дека „секој што има соодветна политичка тежина“ треба да учествува во претстојниот дијалог за изборните услови, што, како што рече, е одредено со избори или резултатите од анкетите на јавното мислење, пренесе агенцијата Бета.
Тој потсети дека претходно имаше договор парламентарните и неколку други опозициски партии кои не беа застапени во Собранието на Србија да учествуваат во дијалогот со посредство на Европскиот парламент (ЕП).
„Сега имаме ситуација кога некои опозициски партии не влегоа во парламентот затоа што не го поминаа цензусот, додека некои ги бојкотираа изборите. Затоа мислам дека поканата треба да биде испратена до секој што има одредена релевантна тежина што ги квалификува да учествуваат во дијалогот“, рече Дачиќ за Радио телевизија на Војводина.
Тој оцени дека проблемот се јавува затоа што некои опозициски партии, пред сè оние собрани околу Партијата за слобода и правда на Драган Ѓилс (СПП), сметаат дека дијалогот треба да се води само меѓу нив и претставниците на владата.
„Тие сакаат да го намалат дијалогот на ултиматум што ќе им го дадат на властите овие неколку политичари“, рече претседателот на парламентот, додавајќи дека е „очигледно“ дека ќе има опозициски партии кои не прифаќаат медијација на ЕП.
Извор.Бета