Д-р Митов: Подготовките за втор бран на Ковид-19 треба да одат во два правци – општество и здравствен систем

Д-р Александар Митов во „Утрински брифинг“ на „Слободна ТВ“ брифираше за состојбата со коронавирусот и најавениот втор бран на епидемијата Ковид-19.

-Ставот на сите светски епидемиолози е дека ќе има втор бран на епидемијата. Ваквиот тип на пандемии не поминуваат во еден бран. За ова имаме два вида на докази.

Првите се историските, за кои знаеме дека сме се сретнале со нешто слично – шпанксиот грип, кога има прв бран, втор бран, во некои делови од САД и трет бран. Тоа е јасна динамика на движење на самата епидемија. Од друга страна, литературата јасно ни укажува дека треба да се подговтвуваме за втор бран, вели д-р Митов.

ПОДГОТВЕНИ ДА ГО ДОЧЕКАМЕ ВТОРИОТ БРАН

–Зијан од подготовка нема – така што од секоја гледна точка – ние треба здраво за готово да го земеме дека ќе го има.

Околу проекциите за тоа кога треба да се очекува овој нов бран на КОВИД-19 и со што конкретно би било поврзано неговот евентуално повторно појавување, Д-р Митов смета дека два вида на мерки кои што може да се преземат.

-Едните се т.н фармаколошки, додека другите се не фармаколошки. Фармаколошките, како лекови за Корона се аут – ги нема. Досега никој лек не даде нешто драматично успешно. Но добрата работа во целата несреќа е дека откако стаса вирусот во САД, вклучи против себе огромен арсенал на наука, на моќ, на човечки капацитет и тие ќе му го најдат крајот. Таму се најмоќните светски универзитети. Таму има институци кои го собрале кремот од цел свет. Научници од цел свет собрани. Наивно е да се очекува дека тие ќе останат без решение. Тие и ја потикнаа таа меѓународна трка за тоа кој ќе го најде прв решението, велин тој.

Прочитајте и...  Русија го укинува задолжителниот карантин за странските државјани

НЕФАРМАКОЛОШКИТЕ МЕРКИ СЕ ТИЕ КОИ ШТО НИЕ ГИ ПРАВИМЕ

Затворање, дистанца, истите мерки кои што се правеле пред 100 години за Шпанскиот грип. Така што нема друго. Штом се воведат тие мерки, во следните четири до пет недели замира епидемијата, се намалува бројот на случаи, паѓа кривата. Но после тој период, кога попуштаат мерките вирусот повторно зема залет. Тоа што кај нас е добро, е што паѓањето на кривата ќе се поклопи со топлото македонско лето. Се надеваме, знаејќи ги останатите видови Корона дека во тој период се стишуваат, имаме надеж дека сето тоа во јуни, јули, август, нема да дозволи тоа да букне и дека ќе се развлече кривата за да се пренесе некаде на есен. Тоа се моменталните претпоставки врз основа на тоа што го знаеме. Значи, да сублимирам, вториот бран треба да го очекуваме некаде на есен, изјави д-р Митов.

Прочитајте и...  Компаниите од Еврозоната со зголемена побарувачка на кредити

ПОДГОТОВКИТЕ ТРЕБА ДА ОДАТ ВО ДВА ПРАВЦИ – ОПШТЕСТВО И ЗДРАВСТВЕН СИСТЕМ

-За да бидеме објективни, фала му на Бога не видовме драматични состојби на Клиниката за инфективни болести. Ако ги компарираме бројките со останатите земји, ние не поминавме така како што се плашевме дека ќе поминеме. Сега подготовките треба да одат во два правци – општество и здравствен систем. Општеството треба да се подготви со изјави – Луѓе ова не помина. Ова не е лесна и пријатна вест. Никој не сака да слуша дека ние уште неколку месеци ќе треба да се занимаваме со ова прашање. Значи треба да има една општа подготвеност за прифаќање на мерките. Второ, Здравствениот систем оваа „мала пауза“ да ја искористи за опремување, но без претерување.

Јас би предложил, кога ќе дојде до таа „мала пауза“ деполитизирање на процесот на менаџирање на кризата. Колку што е можно повеќе зајакнување на комисијата за заразни билести. Проширување и надградување ако има потреба. Да и се даде поголема ингеренција и да се одвои колку што е можно повеќе од политиката. Нема што да бараат сите партии во тоа тело. Тоа треба да биде меѓуресорно тело. Владата треба да биде практично ставена во ситуација да слуша, , додава Д-р Митов.

Прочитајте и...  Се подготвува монтажен објект на Клиниката за пулмологија и алергологија

„ПРИБЕ ВО ЗДРАВСТВЕНИОТ СИСТЕМ“

-Прашањето на плаќањата во здравствениот систем е едно од клучните прашања. Како ќе се движи здравствениот денар е прашањето како ќе се постави цел систем. Ќе се повикам на една ваша колумна од пред две години. Кажавте дека нашиот здравствен систем му треба еден „Прибе за здравството“. Од тука треба да почнеме. Тоа е фактички health system performance assessment или проценка за перформансот на здравствениот систем. Тоа е една од официјалните алатки на СЗО. Системот треба да направи една силна интроспекција и кога ќе ја направи во еден организиран процес, тогаш ќе излезат на површина многу работи – една од нив ќе биде и начинот на финансирање, изјави во разговор со Сашо Орданоски, Д-р Митов и додаде дека целта е општеството да напредува преку тоа што ќе научи да не се повторуваат грешките.

Прочитај повеќе

Медицинска сестра од Чиле се грижи за болните од ковид-19: После смената свири на виолина низ ходниците (ВИДЕО)

Слободен печат

Судот ја одби кауцијата за поранешната девојка на педофилот Епстин

Слободен печат

Американска компанија кон крајот на месецов ќе тестира вакцина врз луѓе

Слободен печат

Во Дебар досега направени над 1.100 тестови, позитивни 153 лица

Слободен печат

Португалската полиција пребарува бунари: Се сомневаат дека педофилот Брукнер таму ја фрлил Медлин Мекен

Слободен печат

На грчка граница се продаваат лажирани потврди за туристи што сакаат да ја преминат границата

Слободен печат

Остави Коментар

Прочитај повеќе

Медицинска сестра која го победи коронавирусот даруваше крвна плазма

Слободен печат

Во Албанија заштитна маска задолжителна во затворени простории

МИА Агенција

„Ја кријат вистината како за Чернобил“: Американци тврдат дека научници од Вухан пребегале на Запад и ги откриваат мрачните тајни за коронавирусот

Слободен печат

ДИК: Од категоријата болни и немоќни лица гласале 7861 гласачи (ВИДЕО)

Слободен печат

Куомо: Уште четири сојузни држави на карантинската листа на Њујорк

Слободен печат

По вториот ден од сослушувањето, Хашим Тачи без зборови излезе од судот во Хаг

Слободен печат