Д-р Беќаровски: Има само еден лек за да не развиете долгорочен постковид-синдром
Доктор Нико Беќаровски од Клиниката за токсикологија, кој од неодамна е член на Комисијата за заразни болести, информира дека околу 10-20% од заболените со Ковид-19 развиваат среднорочно или долгорочно постковид-синдром со различна симптоматологија и тежина.
Тој вели дека дел од манифестациите на овој синдром се отежнато дишење, малаксалост, поспаност, срцева слабост, проблеми со меморија, паѓање на косата, влошување на дијабетот…
-Тежината и должината на овој синдром не е секогаш пропорционална со тежината со која сте го прележале ковидот. Овој синдром скоро исклучиво се јавува кај прележаните +40 години. ЗА СИГУРНА ПРЕВЕНЦИЈА ОД ПОСТКОВИД СИНДРОМ ПОСТОИ САМО ЕДЕН 100% ЛЕК, а тоа е да не се заразите, потенцира д-р Беќаровски, додавајќи дека секој ден сѐ поголем број на вакви пациенти бараат помош по клиниките.
