Црвениот картон на Ибрахимовиќ ја „уништи“ играта на Милан!
Италијанските спортски весници го дефинираа црвениот картон на Златан Ибрахимовиќ против Парма во Серија А во саботата.
„Росонерите“ славеа на гостувањето кај Парма со 1:3, а Швеѓанецот поцрвене на овој меч при водство од 0:2 за неговиот клуб.
Иако 39-годишниот играч верува дека судијата Фабио Мареска не разбра што точно кажал Ибра, тој би можел да се соочи со суспензија од два меча и ги пропушти наредните дуели со Џенова и Сасуоло.
Тамошните медиуми го критикуваат напаѓачот на Милан за неговото однесување на овој дуел.
„Ла Гаѕета дело Спорт“ му даде оценка 4,5 од максимална 10 и пренесува: „Не се очекува такво слично однесување од играч како него“.
„Ил Кориере дело Спорт“ вели: „Неговиот црвен картон ја уништи играта на Милан. Голема грешка, неприфатливо од негова страна“.
„Тутоспорт“ додава дека тензијата на Ибра била „неоправдана“ и го оценува напаѓачот на Милан со 5,5 /10.
– Златан ми рече дека разговарал нешто со судијата некое време, но не покажа недостаток на почит и апсолутно не го навреди. Не сум разговарал со Мареска, значи не знам – истакна тренерот на Милан, Стефано Пиоли по вчерашниот натпревар.
Оценките на Златан Ибрахимовиќ од едни од најпознатите спортски весници во Италија:
„Ла Гаѕета дело Спорт“: 4,5
„Кориере дело Спорт“: 5
„ТутоспортА“: 5,5
