Лидерот на СИРИЗА и поранешен премиер на Грција, Алексис Ципрас побара одговорност од сегашниот премиер Киријакос Мицотакис и од министерката за култура. Ципрас побара тие да се извинат на грчкиот народ и на жртвите на познатиот актер и режисер Димитрис Лигнадис на и на грчкиот народ, пренесоа грчките медиуми. 

Во објава на социјалните мрежи посочува дека „господинот Мицотакис носи многу тешка политичка одговорност“ и го повикува да ја преземе одговорноста што му припаѓа.

„Повеќе од дваесет дена земјата се соочува со шокантни откритија. Соочени со грозоморно злосторство што вклучува силување на малолетници и евентуално синџир на трговија со луѓе и педофилија. Но, и пред големиот скандал поврзан со обидот да се прикријат овие гнасни дела.

Г-н Мицотакис носи голема политичка одговорност. И, добро е во ова време да се откажат од комуникациски трикови.

Големото прашање што го засега целото грчко општество, без оглед на партиските определби, не е нивото на јавна дебата, туку тоа се најтешките морални и политички одговорности кои, за жал, паѓаат на неговата влада.

Затоа, го повикувам, дури и потоа, да го направи очигледното.

Да ја разреши г-ѓа Мендони од министерските должности и да побара „извинување“ од жртвите, но и од грчкиот народ, за грешките и олигархиите на неговата влада, преземајќи ја политичката одговорност што му припаѓа нему“ рече Ципрас. 

Од кабинетот на актуелниот премиер, на Ципрас му порачаа да престане со војната преку интернет бидејќи пропустите на неговата влада во 2017-2018 година не се заборавени. Исто така Мицотакис ги „повикува сите политички сили да се искажат по повод настанот со педофилија за да може да се оствари правдата и појавата на такви морбидни инциденти да запре“.

Уапсен познат грчки актер и режисер и поранешен директор на Националниот театар – се товари за силувања