Црна Гора минатата година ја посетиле 2,6 милиони гости, најмногу од Русија и Србија
Црна Гора минатата година ја посетиле 2.613.306 туристи кои ноќевале 16.389.279, а најголем број ноќевања забележале туристите од Русија и Србија, објави на својата веб-страница црногорската управа за статистика Монстат.
Од вкупниот број ноќевања во Црна Гора во 2023 година, 96,3 отсто од ноќевањата се на странски туристи, а на 3,7 отсто на домашни туристи, нагласува Монстат. Во структурата на ноќевањата на странските туристи најмногу ноќевале туристите од Русија со учество од 23,6 отсто и гостите од Србија со учество од 21,5 отсто.
На трето место по бројот на ноќевања во Црна Гора е Босна и Херцеговина со учество од 8,5 отсто. Во структурата на ноќевањата по типови туристички места, најмногу ноќевања во Црна Гора се остварени во приморските места и нивното учество е 94,3 отсто, пренесува Танјуг.