Пратениците на Црна Гора гласаа за испраќање црногорски војници во мисијата на НАТО за помош на Украина, а 44 пратеници гласаа за оваа одлука, петмина беа против, додека двајца беа воздржани, пишува vjesti.me.

Пратениците од Демократската партија на социјалистите (ДПС), движењето „Европа сега“ (ПЕС), Социјалдемократите (СД), Новата српска демократија (НСД), Сојузот на граѓани „ЦИВИС“, Албанскиот форум, Бошњачката партија и независните пратеници гласаа за оваа одлука.

Пратениците на Демократската народна партија (ДНП) и пратеникот на Единствена Црна Гора Владимир Добричанин беа против, а пратениците на Социјалистичката народна партија (СНП) се воздржаа.

Како што претходно објасни црногорскиот министер за одбрана Драган Краповиќ, црногорските војници не можат да изберат што да прават во НСАТУ – мисијата на НАТО за помош и обука за Украина.

Според Краповиќ, позициите во мисијата се пополнуваат, многу веќе се пополнети од други членки на НАТО, а Црна Гора всушност нема право да избере каква ќе биде нејзината улога, призна министерот.