Циципас не ја дава титулата во Монте Карло
Грчкиот тенисер Стефанос Циципас го совлада во финалето на мастерсот во Монте Карло, Акехандро Давидович Фокина во два сета со 6:3,7:6. Петтиот тенисер на АТП ранг листата со трумфот над Давидович Фокина ја одбрани титулата на мастерсот во Монте Карло освоена минатата година кога во финалето беше подобар од Андреј Рубљов.
BACK-TO-BACK MONTE CARLO CHAMPION 👑@steftsitsipas | @ROLEXMCMASTERS | #RolexMCMasters pic.twitter.com/AQfxW9KYNc
— ATP Tour (@atptour) April 17, 2022
Циципас не го започна најдобро финалето, го загуби сервисот во третиот гем, но веднаш „се разбуди“ и направи ри-брејк и израмни на 2:2. Клучниот брејк во првиот сет, Гркот го направи во осмиот гем кога поведе со 5:3 и потоа рутински го заврши сетот искористувајќи на првата од трите врзани сет топки.
Во вториот сет, двајцата направија неколку брејка на стартот, а Циципас во десеттиот гем сервираше за меч. Но, Шпанецот не се предаваше и ја искористи втората брејк топка и потоа со сигурен сервис го однесе мечот во тај-брејкот.
Во одлучувачкиот гем, Циципас направи два мини брејка и предноста ја зачува со сигурен сервис за триумф од 7:3 во тај-брејкот, што значеше одбрана на титулата.