Циципас не ја дава титулата во Монте Карло

Стефанос Циципас втора година по ред триуфира на мастерсот во Монте Карло/ фото: EPA-EFE/SEBASTIEN NOGIER

Грчкиот тенисер Стефанос Циципас го совлада во финалето на мастерсот во Монте Карло, Акехандро Давидович Фокина во два сета со 6:3,7:6. Петтиот тенисер на АТП ранг листата со трумфот над Давидович Фокина ја одбрани титулата на мастерсот во Монте Карло освоена минатата година кога во финалето беше подобар од Андреј Рубљов.


Циципас не го започна најдобро финалето, го загуби сервисот во третиот гем, но веднаш „се разбуди“ и направи ри-брејк и израмни на 2:2. Клучниот брејк во првиот сет, Гркот го направи во осмиот гем кога поведе со 5:3 и потоа рутински го заврши сетот искористувајќи на првата од трите врзани сет топки.

Во вториот сет, двајцата направија неколку брејка на стартот, а Циципас во десеттиот гем сервираше за меч. Но, Шпанецот не се предаваше и ја искористи втората брејк топка и потоа со сигурен сервис го однесе мечот во тај-брејкот.

Во одлучувачкиот гем, Циципас направи два мини брејка и предноста ја зачува со сигурен сервис за триумф од 7:3 во тај-брејкот, што значеше одбрана на титулата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот