Ракометарите на Вардар утревечер (18.45) ги очекува нова пресметка со Пик Сегед во Лигата на шампионите. Унгарскиот тим славеше изминатата недела, а еден од најискусните ракометари на „црвено-црните“ Иван Чупиќ се надева дека нема да се повторат грешките од натпреварот во Скопје иако е свесен дека е тешко да се игра на теренот на противникот.

– Првиот натпревар пред неколку дена беше неизвесен, имавме предност во завршницата, но направивме глупости и промашивме зицери. Нашиот противник е квалитетен и тоа го искористи максимално. Знаеме дека е тешко да се игра во Сегедин. Нема многу време за плачење и за подготовка. Го почитуваме ПИК Сегед, но ние сакаме да играме подобро од Скопје. Очекуваме да ги задоволиме очекувањата на нашите навивачи – вели Чупиќ.