Четирите сестри Швадерлап решиле да го искористат времето поминато во карантин на многу креативен начин. Тие измислиле „board game“ со коронавирус тематика која предизвика вирален хит во Германија која периодов се продава во илјадници примероци.

Играта „Корона“ може да ја играат најмногу четири играчи, кои се натпреваруваат да ги купат сите намирници на списокот за постар сосед кој мора да седи дома поради вирусот.

Играчите собираат и разменуваат картички, а победникот е оној кој прв ќе ги испорача сите артикли. Пречки на патот вклучуваат средба со вирусот, кој ве испраќа во карантин, или насилниците кои веќе ги собрале сите тестенини или тоалети.

„Основниот прицип е солидарноста… Но, секој од играчите може да одлучи да соработува со другите… или да им ја отежне работата блокирајќи им го патот со вируси“, вели 20-годишната Сара за „Reuters“ од семејната куќа во градот Визбаден во западниот дел на Германија.

Сестрите работеле на играта повеќе вечери за време на карантините предизвикани од коронавирусот во пролетта, постепено вметнувајќи повеќе елементи кои ги слушале од пресносите на вести за пандемијата.

„Тоа беше акумулирање. Видовме за концертите на балконите од зградите во Италија и тоа го претворивме во една картичка во играта“, вели другат сестра Ребека.

Импресиониран од напорите на неговите ќерки, таткото Бенедикт Швадерлап одлучил да ја комерцијализира играта ангажирајќи уметник за дизајнирање картите, таблата и кутијата.

Досега продале 2.000 примероци и потпишале договор со продавница за играчки во Германија како секундарен дистрибутер на играта.

„Бидејќи играта стана многу популарна, тоа беше прилично голем предизвик за нашата семејна операција – спакување и дистрибуирање на 500 игри за многу краток период. А сега побарувачката е огромна од цела Германија“, вели тој.