Голманот на Челзи Едуард Менди ќе отсуствува од терените одредено време бидејќи се опоравува од операцијата на прстот на раката, потврди денес лондонскиот клуб.

Менди го скрши прстот на тренингот оваа недела и ќе биде на рехабилитација додека целосно не се опорави. Во краткото соопштение од Челзи не е наведено колку време ќе му треба да се опорави.

Edouard Mendy has undergone an operation on a fractured finger sustained in training this week.

Come back stronger, Edou! 💪 pic.twitter.com/cyRNdVl1vc

— Chelsea FC (@ChelseaFC) January 7, 2023

Сенегалскиот голман во 2020 година дојде од Рен во Челзи за кој одигра 104 натпревари, но има и силна конкуренција од Кепа Аризабалага.

Британските медиуми шпекулираат дека Менди би можел да го напушти Челзи и во текот на јануарскиот преоден рок откако интерес за него покажале Милан и Јувентус.