По изјавата на Роман Абрамович дека е подготвен да ги слушне понудите и да го продаде Челси, се огласи УФЦ ѕвездата Конор Мекгрегор.

Контроверзниот ирски ММА борец објави дека е заинтересиран да го купи Челси, кого Абрамович го проценува на три милијарди фунти. Прашањето кое медиумите го поставуваат е дали Ирецот има толку пари за да го купи клубот или неговата објава е само маркетиншки потег.

По најавата на Мекгрегор дека е заинтересиран да го купи клубот, се огласи и тимот за односи со јавност на Челси, кој со својот коментар го „уништи“ Ирецот.

„Благодарност до Конор Мекгрегор, но доколку сакавме луд Ирец со „жешка глава“ ќе го вработевме Рој Кин како менаџер“,  објави Челси на својот официјален профил на Твитер, но потоа ја избриша објавата.

Рој Кин е легенда на Манчестер јунајтед кој често на терените го покажуваше својот луд карактер.