Чаби Алонсо останува верен на Баер Леверкузен и ќе биде тренер на екипата до јуни 2026 година.

– Благодарност до Баер за довербата што ја покажа во мене – изјави 41-годишниот Шпанец, кој пред да се приклучи во Бундеслигата раководеше со младинскиот тим на Реал Мадрид и „Б“ тимот на Реал Сосиедад.

Леверкузен и оваа сезона ќе игра во групите на Лига Европа.

– Бевме во тешка ситуација и во Чаби видовме светска ѕвезда, но и неискусен тренер кој сè уште не водел врвен тим. Сепак, од почетокот бев убеден во неговата способност, а Чаби беше убеден во квалитетот на нашиот тим. Заедно го надминавме отпорот и го создадовме најдоброто од сите перспективи за Баер – вели спортскиот директор на клубот, Симон Ролфес.

Новата сезона во Бундес лигата ќе почне на 18 август, а следниот ден играчите на Алонсо во првото коло ќе го пречекаат Лајпциг.