Будуќност е прв финалист во АБА лигата
Кошаркарите на Будуќност се пласираа во финалето на АБА лигата откако во вториот натпревар од полуфиналната серија го 92:81 го совладаа Морнар.
Будуќност полуфиналната серија ја доби со 2:0, првиот натпревар заврши со триумф од 97:88.
Најзаслужни за победата се Џастин Кобс со 21 поен, Амадео Дела Вале со 17 и Вили Рид со 14 поени и девет скокови на кои им придодаде и пет блокади. Кај Морнар најпрецизен беше Дерек Нидам со 13 поени.
Првата четвритна донесе атомска кошарка, Морнар ја започна, а Будуќност ја прифати битката во транзиција која донесе одлични потези на играчите од двете екипи. Првата четвртина му припадна на Будуќност со 27:20, но во втората Морнар многу брзо фати резултатски приклучок и на одмор се замина со минимална предност од 52:50 на гостинскиот тим.
Будуќност подобро го започна и второто полувреме и успеа за прв пат да дојде до двоцифрена предност (67:57) која не ја испушти го крајот на натпреварот.
Будуќност во финалето на плеј-офот во АБА лигата ќе игра со подобриот од вториот полуфинален дуел Црвена звезда – Игокеа каде резултатот е 1:1 во победи, а мајсторката ќе се игра за четири дена.
ФОТО: АБА Лига