Состојки:

500 грама брашно
250 милилитри јогурт
1 лажичка сол
1/2 кесичка прашок за печиво (по желба)

Подготовка:

Во длабок сад се мешаат состојките и се замесува тесто. Тестото се префрла на набрашена работна површина и се дели на неколку делови. Потоа од секој дел со помош на сукало се развлекуваат кори.

Кога ќе ги оформите подлогите за пица, добиените теста префрлете ги во претходно подмачкани тавчиња за печење.

Врз добиеното тесто за пица, се става кечап или доматно пире, а потоа и додатоците по желба како што се салама, кашкавал, маслинки, печурки…

Вака подготвените пици се печат во претходно загреана рерна и на 200 степени околу 15 минути.

Напомена: Доколку во тестото ставите прашок за печиво, во тој случај тестото за пица, развлекувајте го едно по едно, а не сите наеднаш, бидејќи прашокот за печиво ќе помогне пицата да нарасне па така ќе добиете подебела подлога за пица.