Брестовац ги одреди патниците за Турција
Селекторот Данило Брестовац ги одреди ракометарите кои ќе настапат на гостувањето во Ескишехир против Турција во квалификациите за ЕП 2020 година кое се игра в среда.
Покрај Дејан Манасков кој беше најавено дека ќе ги пропушти двата натпревари на Македонија против Турција и Грција, од списокот на Бресотвац отпаднаа уште и Мартин Манасков, Горан Крстевски, Филип Арсеновски, Мартин Томовски и Мартин Серафимов.
Селекторот се одлучи на Турција да и се спротивстави со Ристовски, Митревски, Лазаров, Маџовски, Димитриоски, Георгиевски, Костески, Стоилов, Пешевски, Никола Маркоски, Велко Маркоски, Талески, Кузмановски, Танкоски, Јагуриновски и Кукоски.
Македонија по четири кола има пет бодови со кои се наоѓа на првото место во групата заедно со Исланд и веќе си обезбеди пласман на ЕП 2020 кое ќе се игра во Австрија, Шведска и Норвешка.