Бразилскиот претседател Луис Инасио Лула да Силва и претседателите на Конгресот и Врховниот суд денеска го оценија како „терористички чин” упадот на приврзаниците на екстремната десница во државните институции во Бразил.

Тие во заедничка изјава наведоа дека ќе ја бранат демократијата.

„Владата, гарант на демократијата и Уставот од 1988 година, ги отфрла актите на тероризам, вандализам на криминалците и пучистите, што се случија вчера во Бразилија„, се вели во заедничката изјава.

Поддржувачите на поранешниот екстремно десничарски претседател Жаир Болсонаро вчера упаднаа во Конгресот, претседателската палата и Врховниот суд.

O terrorismo que Bolsonaro estimulou contra os Poderes e o Estado Democrático de Direito sendo colocado em prática. Criminosos destroem vidraças do @STF_oficial pic.twitter.com/86uBoor5Un

— George Marques 🇧🇷 (@GeorgMarques) January 8, 2023

Демонстрантите протестираа против враќањето на власт на левичарскиот претседател, кој го победи Болсонаро во вториот круг од 30 октомври.

Бразилските безбедносни сили уапсија околу 1.200 луѓе поради упадот на приврзаниците на поранешниот претседател Жаир Болсонаро во Конгресот, Врховниот суд и во претседателската палата во Бразилија, јавува Би-би-си.

Болсонаро ја напушти земјата два дена пред крајот на неговиот мандат, бојкотирајќи ја инаугурацијата.

Се наоѓа во американската држава Флорида. Лула беше претседател на Бразил во два мандати (2003-2010).

Болсонаро замина во Флорида и остави хаос на улиците во Бразил, се чека одлука на Бајден