Тоа што се навестуваше неколку денови, денеска и официјално се оствари, баќата близнаци, Кевин и Оливие Њокас од денеска и официјално се дел од Металург. Француските ракометари и долгогодишни репрезентативци потпиша двегодишни договори со тимот од Автокоманда.

Кевин Њокас (34 години) е десен бек, кој професионалната кариера ја почна во ПСЖ за кој играше од 2006 до 2012 година, а потоа играше и за Шамбери, Гепинген, Гумерсбах и последните три сезони го носи дресот на Бенфика.

Оливие Њокас (34 години) е лев бек, кој исто така кариерата ја започна во ПСЖ, има играно и за Алкобендас, Кретеј, Балинген и последните пет години настапува за Нант каде соиграч му беше селекторот и капитен на македонска репрезентација, Кире Лазаров кој одигра важна улога во нивната одлука да дојдат во Македонија и да потпишат за Металург.
– За совет го прашав мојот соиграч Кире Лазаров кој ми кажа убави зборови за Металрг и ја олесни одлуката за да дојдеме во овој клуб. Преговорите траеа неколку месеци, но можам да кажам дека од првиот момент „клика“ меѓу нас и клубот. Претседателката стори се за да не донесе, а и ние прикажавме интерес за сега да сме тука – изјави Оливие Њокас на промоцијата.

Фото: РК Металург