Градоначалникот на Општина Карпош Стефан Богоев во изјава за „Утрински брифинг“ на „Слободен печат“ рече дека иницијативата за зонско паркирање во општината дошла од граѓаните на Карпош 1 и Карпош 2.

– Повеќе стотици потписи дојдоа до мене а исто така има испратено и до ЈП „Градски паркинг“. Граѓаните бараат да се регулира паркингот за да може полесно да најдат место во околината на нивните домови. Претпоставувам дека една од причините поради кое е е дојдено ова е бидејќи „Рузвелтова“ е граница помеѓу општина Карпош и општина Центар, но исто така помеѓу платен и бесплатен паркинг. Па така имате луѓе кои работат во ПУИК, во поранешното СЈО, во Зоолошка, кои се наоѓаат во општина Центар а сепак паркираат од страна на Карпош, бидејќи паркингот е бесплатен – констатира Богоев.

Тој додаде дека во Карпош 2 проблемот се создава кај поранешно МИ-ДА, делумно поради луѓе кои работат а не живеат таму, но и поради студенти кои доаѓаат со нивните возила.

Анкетирањето на граѓаните од Карпош 1 и 2 ќе започне од среда.