Билетите за домашните натпревари на македонската А репрезентација од квалификациите за Светското првенство 2022 против Ерменија се пуштени во продажба.

На 2 септември од 20.45 часот на Националната арена „Тодор Проески“ – Скопје избраниците на селекторот Благоја Милевски ќе играат против Ерменија.

На 8 септември во истиот термин противник на „црвено-жолтите“ ќе биде селекцијата на Романија. Цена на билетот за двата меча е 300 денари.

Денеска МКТикетс објави дека пуштени се во продажба билетите за првиот домашен натпревар против Ерменците.

Капацитетот на Националната арена „Тодор Проески“ е ограничен согласно мерките утврдени за заштита од коронавирусот и протоколот на УЕФА за присуство на гледачи на трибините.

Воедно сите кои ќе сакаат да присуствуваат на овој меч, мора да го почитуваат протоколите во борбата за заштита од ковид-19.

ВАЖНА напомена:

Согласно официјалната одлука на Владата на натпреварите е дозволено присуство единствено со приложување на еден од следните документи:

– Сертификат/потврда за извршена имунизација (вакцинација) од вирусот Ковид-19, односно примена најмалку прва доза на вакцина против заразната болест

– Сертификат/потврда за прележан ковид-19 во последните 45 дена, сметајќи од денот на оздравувањето.

Не се однесува на лица под 18 годишна возраст.