Евакуацијата на украинските војници од  Мирноград, населено место во близина на Покровск, кој е под целосна опколеност од руските сили, се покажа како невозможна, пишува Билд, повикувајќи се на изјави од самите припадници на вооружените сили на Украина.

Еден од украинските војници изјави за весникот дека се свесни за безнадежната ситуација:

„Дури и да добиеме наредба за повлекување, веројатно нема да ја преживееме. Никој од нас нема да стигне жив до Родјански. Подобро е за нас да останеме тука и да се надеваме дека ќе бидеме ослободени или ќе се предадеме“, рече тој.

Друг војник потврдува дека контранападите на украинските единици во урбаниот дел од градот биле одложени и не дале никакви резултати, што, според него, дополнително ги деморализирало војниците.

Се потсетува дека пратеничката на Врховната рада на Украина, Маријана Безугла, од партијата Слуга на народот, неодамна го обвини претседателот Володимир Зеленски за давање неточни информации за ситуацијата во Красноармејск (Покровска) и Купјанск.

Таа истакна дека оперативните одлуки во Генералштабот се донесуваат врз основа на „несигурни и застарени податоци“, што дополнително ја влошува ситуацијата на украинските сили на фронтот.