Фудбалерите на Ал Ахли обезбедија пласман во полуфиналето на Светското клупско првенство откако со 3:1 го совладаа Ал-Итихад.

Египќаните поведоа во 21 минута со голот на Малул, а екипата од Саудиска Арабија имаше шанса во 45 минута да дојде до израмнување, но најголемата ѕвезда на тимот Бензема не беше прецизен од белата точка.

Ал Ахли во вториот дел за три минути постигна уште два гола преку Ел Шахат и Ашур, а во финишот од средбата Ал-Итихад успеа само да го ублажи поразот со погодокот на Бензема во 92 минута.

На 18 декември Ал Ахли во првото полуфинале во Џеда ќе ги одмери силите против бразилскиот Флуминенсе.

Еден ден подоцна ќе биде и второто полуфинале во кое најголемиот фаворит за трофејот Манчестер сити ќе игра против јапонската Урава која претходно го елиминираше мексиканскиот Леон.