Управата на Барселона ја продолжува трката со времето и финансиите за да успее да ги регистрира новите засилувања што ги донесе летово и денеска заработи 100 милиони евра од продажба на акции.

Претседателот на Барселона, Жоан Лапорта објави дека се продадени 24 отсто од акциите на „Барса Студиос“ за околу 100 милиони евра на компанијата Орфеус Медиа.

Заработените пари би требало да им овозможат на каталонците да успеат да ги регистрираат играчите што беа донесени летово за да можат да настап на утрешниот натпревар од првото коло во Ла Лига против Рајо Ваљекано.

Тренерот Чави Ернандез моментно на располагање има само 17 фудбалери со право на настап против Рајо Ваљекано, а со финансиската инјекција од 100 милиони долари, би требало да може да ги регистрира и Роберт Левандовски, Рафиња и Жил Кунде за кои плати 150 милиони евра отштета како и Френк Кеси и Андреас Кристенсен кои дојдоа како слободни играчи.