„Мундо депортиво“ денес повторно пишува за фудбалерите што ги сака Барселона, но и дека сите тие сакаат да играат само на „Камп Ноу“. Тоа се Душан Влаховиќ, Нико Шлотербек и Жоао Кансело.

За Влаховиќ, познато е дека станува слободен агент и дека затоа е интересен за каталонскиот гигант, бидејќи е сигурно дека Роберт Левандовски ќе си замине од клубот следното лето. Влаховиќ повеќе ја претпочита Барса, пред Баерн Минхен и Милан, и верува дека би можел да се натпреварува со Феран Торес за минутажа.

Шлотербек е голема желба на тренерот на Барселона, Ханси Флик, тој има и понуди од бројни клубови, бидејќи влегува во последната година од договорот на лето, а неговата желба е да оди во Барселона. Германецот е свесен дека би можел да се наметне како прва опција на позицијата лев бек, каде што моментно игра Жерар Мартин. Андреас Кристенсен претрпе уште една сериозна повреда, Роналд Араухо е надвор од теренот еден и пол месец поради психички проблеми, па засилувањата во одбраната се приоритет за Барселона.

Кансело, кој доби понуда од Интер, одговори дека ќе ја чека Барселона, што е негов приоритет. Кансело се појавува како решение во ротацијата и потенцијално би можел да влијае Жил Кунде да биде преместен во срцето на одбраната.

Кансело е достапен за малку пари, со оглед на тоа што Симоне Инзаги не смета на него во Ал Хилал и дека е на трансфер листата.