Бадријани: Грузиски специјалитет со модар патлиџан и паста од орев
Бадријани е силно зачинето грузиско јадење кое се состои од парчиња модар патлиџан кои се премачкани со паста од орев, а потоа се обликуваат во мали ролнички. Се служат како предјадење за епските вечери познати како супра, но тие се одлични и со пијалоци пред вечера. Кога се сервираат, ролничките се редат во чинија и се наросуваат со семки од калинка.
Потребни состојки:
– 2 средни модри патлиџани
– 200 грама орев
– 4 чешниња лук
– 15 ml (1 лажица) бел вински оцет
– 1 лажичка тилчец
– 1 лажичка мелен коријандер
– 1/2 лажичла лута мелена пипер
– 120 мл вода
– сол и бибер
– семки од калинка, за украс
Начин на подготовка:
Отстранете ги врвовите од секој модар патлиџан и исечете ги по должина на парчиња со дебелина од 5 мм. Наредете ги на плех и обилно посипете со сол. Оставете ги настрана околу 30 минути за да дозволите солта да ја повлече влагата од модрите патлиџани.
Во меѓувреме ситно сомелете ги оревите и додајте ги во сад. Изрендајте го лукот или исечете го многу ситно. Додадете оцет, тилчец, коријандер и пипер и измешајте да се соедини. Додадете 60 мл вода и промешајте, додавајќи повеќе вода (до 120 мл) доколку е потребно за да се олабави конзистентноста(треба да биде слична на хумус).
Исушете ги парчињата модар патлиџан. Во голема тава на средна топлина, загрејте неколку лажици масло и додадете парчиња модар патлиџан(веројатно ќе треба да пржите во серии). Пржете ги модрите патлиџани додека не омекнат и не поруменат, околу 3-5 минути по страна.
Префрлете ги во плех обложен со хартија и оставете да се изладат. Работејќи на едно по едно парче, намачкајте околу една лажица паста од ореви рамномерно на секое парче модар патлиџан. Свиткајте во ролат и повторете ја постапката со преостанатите парчиња модар патлиџан.
Украсете со семки од калинка и послужете.
Сара Павловска со идеја за здрав десерт: Какао бомбици со урми